بسم الله الرحمن الرحيم
اليوم بعطيكم شوي تناتيف من يومياتي
+:+:+:+:+:+:+:+:+:+:+:+:+:+:+:+:+:+
اليوم الدوام اوكي عال العال الحمد لله ماطلعلي صرصور اليوم
:+:+:+:+:+:+:+:+:+:+:+:+:+:+:+:+:+:
*^*^*^*^*^*^*^*^**^*^*^*^*
قررنا نحن و ربيعاتي في الدوام نروح السينما
نشوف فلم مصري نسيت اسمه صعب
الحين نحن ما نعرف العرض متى يبدا
و نتصل محد يرد علينا
الفضوليه تقول الساعه 3
وقالت لما بتطلع من الدوام بتأكد علينا
و صارت الساعه 3 و مح اتصل؟!؟!؟
و اختي الصغيره آخر العنقود تبا تروح
و امي قالتلها تعالي بذاكرلج
قالت اختي ما بذاكر
و قالت بشرد من البيت
سمعوا هذي الصغيره تقول بتشرد
و بعدين قالت تبي تقص شعرها
امي عصبت و راحت يابت الخيزرانه
و صار فلم توم و جيري في البيت
بس آخر شي انضربت اختي ضرب
أوني رحت بدافع عنها
شوي ولا بخذلي كم ضربه على الماشي
و ابوي اتصل قال الفلم بينعرض الساعه 5:15
و امي تذاكر لختي ولا شوي اختي تقول ها يات الساعه خمس
ما تتوب
^*^*^*^*^*^*^*^*^*^*^*^*^*^*^
اوه نسيت اخبركم شو صار و انا طالعه من الدوام
$%$%$%$%$%$%$%$%$%$%$%$%$%$%$%
لحقنا واحد أنا و ربيعتي بس هذي المره هو كان مستقصدنها هي
عنده لكزس عنابي
و ربيعتي كرولا
و انا طبعا ابيكا
المهم و نحن طالعين من باب الدوام انتبهت له ربيعتي
و قالت انه
قاعد في السياره
و هو من الصبح يفتر عند الدوام
قلتلها اوكي لا تبينيله اننا شفناه انا اليوم ناويه عليه
و تحرك قبلنا و لما نحن تحركنا خذ يوتيرن و رجع يلحقنا
و لما طولها قلت لربيعتي و قفي و انا و قفت و هو وقف قلت له فلان الفلاني
و انصدم الريال
((( تراه من نسايبنا بس ما يعرفني)))
قلتله بطل عنك هذي السوالف و الحركات
قال شو قلتله انت تعرف ماله داعي اخبرك
و بيت أهلك ادله
و رقم الشرطه حافضتنه و شرشحته عند المحطه
و قعد يعتذر
يعني عنده حرمه و عنده عيال
شو يبي من بنات الناس ما اعرف
و خبرت عليه امي و ابوي
قلتلهم خبروا نسايبنا
ولا تراني المره اليايه بغرمه بيزات و بخليه يخيس في السجن
قضيه تحرش و تعريض حياة الآخرين للخطر
ما خبرتكم كنت ادرس محاماه 3 سنوات
وحدي وصلت العز لآخر موانيه
أنــــــــــــــــــــــــــــثـــــــــــــــــــ ــــــــــــــــــــى ...
لكــن !!! عن ألفين رجــال
موضوع: *:: مذكرأآتـ قمر الرومنسية::* 
الأربعاء 25 مارس 2009 - 4:34
[rand]
